როგორ წაშალო Gza-ს ანგარიში და რა ემართება მონაცემებს.
ბოლო განახლება: 15 ნოემბერი, 2026
აპიდან
გახსენი Gza ან Gza Driver.
შედი პროფილში (ზედა მარჯვენა კუთხე).
ჩამოდი ბოლოში და დააჭირე „ანგარიშის წაშლა“.
შეიყვანე პაროლი და დაადასტურე.
ანგარიში იშლება მაშინვე. თუ მიმდინარე მგზავრობა გაქვს, ჯერ დაასრულე ან გააუქმე.
აპის გარეშე
თუ აპი აღარ გაქვს ან პაროლი დაგავიწყდა, მოგვწერე contact@sabaapkhazava.ge-ზე იმ ტელეფონის ნომრიდან ან ნომრის მითითებით, რომლითაც დარეგისტრირდი. ვინაობის დადასტურების შემდეგ ანგარიშს წავშლით 10 სამუშაო დღეში.
რა იშლება
სახელი და ტელეფონის ნომერი;
პაროლი და შესვლის საშუალება;
მძღოლის შემთხვევაში — მანქანის მოდელი, ფერი და სახელმწიფო ნომერი;
ბოლო მდებარეობა;
შენ მიერ დაწერილი შეფასებების კომენტარები;
შენახული მისამართები;
პაროლის აღდგენის კოდები;
შენი გზავნილების მიმღებთა სახელები და ტელეფონები.
რა რჩება და რამდენ ხანს
მგზავრობების ჩანაწერები (მარშრუტი, დრო, ფასი) — 6 წელი, ბუღალტრული და საგადასახადო აღრიცხვის მოთხოვნით. ისინი შენს სახელთან და ტელეფონთან აღარ არის დაკავშირებული.
შენ მიერ დასმული ვარსკვლავები რჩება მეორე მხარის საშუალო შეფასებაში, ავტორის გარეშე.
მიმოწერა კონკრეტული მგზავრობის ფარგლებში — 1 წელი, დავების განსახილველად.
მხოლოდ ნაწილის წაშლა (მაგალითად, მგზავრობის ისტორიის ან მიმოწერის) შეგიძლია მოითხოვო იმავე ელფოსტაზე.
კონტაქტი
შპს „პოვო ჯგუფი“ (POVO GROUP LLC), ს/კ 428532046
ელფოსტა: contact@sabaapkhazava.ge
მისამართი: საქართველო, დედოფლისწყაროს რაიონი, ს. სამრეკლო, მე-6 ქ., N 9